Part 111

It's nae sin to tak a gude price, but in gieing ill measure.

It's nae mair ferlie to see a woman greet than to see a goose gang barefit.

"Mattie had ill will to see me set awa on this ride, and grat awee, the silly tawpie; but it's nae mair ferlie to see a woman greet than to see a goose gang barefit."--Rob Roy.

It's nae wonder wasters want and lathrons lag behint.

It's needless pouring water on a drowned mouse.

It's neither a far road nor a foul gate.

It's neither here nor there, nor yet ayont the water.

It's neither rhyme nor reason.

It's no aye gude i' the maw what's sweet i' the mouth.

It's no easy to straucht in the oak the crook that grew in the sapling.

It's no for nought that the gled whistles.

"'I think,' said John Gudyill, while he busied himself in re-charging his guns, 'they hae fund the falcon's neb a bit ower hard for them--it's no for nought that the hawk whistles.'"--Old Mortality.

It's no lost what a friend gets.

It's no safe wading in unco waters.

It's no the burden, but the owerburden, that kills the beast.

It's no the cowl that maks the friar.

It's no the gear to traike.

"'Wha kens what would be the upshot o' a second marriage?'

"'That's looking far ben,' replied the laird; 'my wife, to be sure, is a frail woman, but she's no the gear that 'ill traike.'"--The Entail.

It's no the rumblin' cart that fa's first ower the brae.

It is not the oldest or most likely person that dies first.

It's no tint that comes at last.

It's no "What is she?" but "What has she?"

It's no what we hae, but what we do wi' what we hae, that counts in heaven.

It's ower far between the kitchen an' the ha'.

It's ower late to lout when the head's got a clout.

"It is too late to throw water on the cinders when the house is burnt down."--Danish.

It's ower late to spare when the back's bare.