Part 37

It may be asked how it came about that rings were used in the first instance as a remedy for epilepsy. It has occurred to me that their use may have originated in the time-honoured belief that an epileptic seizure may be aborted by ligature of a limb or part above the situation in which the warning ‘aura’ commences. Galen, Alexander of Tralles, Rhazes, and Avicenna, among the earlier writers on medicine, all recommend the measure.

THE OFFICE OF CONSECRATING THE CRAMP-RINGS

Certain prayers to be used by the queen’s highness, in the consecration of the cramp-rings.

Deus misereatur nostri et benedicat nos Deus, illuminet vultum suum super nos et misereatur nostri.

Ut cognoscamus in terra viam tuam, in omnibus gentibus salutare tuum.

Confiteantur tibi populi Deus, confiteantur tibi populi omnes.

Laetentur et exultent gentes, quoniam iudicas populos in aequitate, et gentes in terra dirigis.

Confiteantur tibi populi Deus, confiteantur tibi populi omnes, terra dedit fructum suum.

Benedicat nos Deus, Deus noster, benedicat nos Deus, et metuent eum omnes fines terrae.

Gloria Patri, et Filio, et Spiritui Sancto.

Sicut erat in principio, et nunc, et semper, et in saecula saeculorum, Amen.

Omnipotens sempiterne Deus, qui ad solatium humani generis, varia ac multiplicia miseriarum nostrarum levamenta uberrimis gratiae tuae donis ab inexhausto benignitatis tuae fonte manantibus incessanter tribuere dignatus es, et quos ad regalis sublimitatis fastigium extulisti, insignioribus gratiis ornatos, donorumque tuorum organa atque canales esse voluisti, ut sicut per te regnant aliisque praesunt, ita te authore reliquis prosint, et tua in populum beneficia conferant: preces nostras propitius respice, et quae tibi vota humillime fundimus, benignus admitte, ut quod a te maiores nostri de tua misericordia sperantes obtinuerunt, id nobis etiam pari fiducia postulantibus concedere digneris. Per Christum Dominum nostrum. Amen.

The rings lying in one bason, or more, this prayer to be said over them.

Deus coelestium terrestriumque conditor creaturarum, atque humani generis benignissime reparator, dator spiritualis gratiae, omniumque benedictionum largitor, immitte Spiritum Sanctum tuum Paracletum de coelis super hos annulos arte fabrili confectos, eosque magna tua potentia ita emundare digneris, ut omni nequitia lividi venenosique serpentis procul expulsa, metallum a te bono conditore creatum, a cunctis inimici sordibus maneat immune. Per Christum Dominum nostrum. Amen.

Benedictio annulorum.

Deus Abraham, Deus Isaac, Deus Iacob, exaudi misericors preces nostras, parce metuentibus, propitiare supplicibus, et mittere digneris sanctum Angelum tuum de coelis qui sanctificet ✠ et benedicat ✠ annulos istos, ut sint remedium salutare omnibus nomen tuum humiliter implorantibus, ac semetipsos pro conscientia delictorum suorum accusantibus, atque ante conspectum divinae clementiae tuae facinora sua deplorantibus, et serenissimam pietatem tuam humiliter obnixeque flagitantibus; prosint denique per invocationem sancti tui nominis omnibus istos gestantibus, ad corporis et animae sanitatem. Per Christum Dominum nostrum. Amen.

Benedictio.

Deus qui in morbis curandis maxima semper potentiae tuae miracula declarasti, quique annulos in Iuda patriarcha fidei arrabonem, in Aarone sacerdotale ornamentum, in Dario fidelis custodiae symbolum, et in hoc regno variorum morborum remedia esse voluisti, hos annulos propitius ✠ benedicere et ✠ sanctificare digneris: ut omnes qui eos gestabunt sint immunes ab omnibus Satanae insidiis, sint armati virtute coelestis defensionis, nec eos infestet vel nervorum contractio, vel comitialis morbi pericula, sed sentiant te opitulante in omni morborum genere levamen. In nomine Patris ✠ et Filii ✠ et Spiritus Sancti ✠. Amen.

Benedic anima mea Domino: et omnia quae intra me sunt nomini sancto eius. Here follows the rest of that Psalm.

Immensam clementiam tuam misericors Deus humiliter imploramus, ut qua animi fiducia et fidei sinceritate, ac certa mentis pietate, ad haec impetranda accedimus, pari etiam devotione gratiae tuae symbola fideles prosequantur: facessat omnis superstitio, procul absit diabolicae fraudis suspicio, et in gloria tui nominis omnia cedant: ut te largitorem bonorum omnium fideles tui intelligant, atque a te uno quicquid vel animis vel corporibus vere prosit, profectum sentiant et profiteantur. Per Christum Dominum nostrum. Amen.

These prayers being said, the queen’s highness rubbeth the rings between her hands, saying:

Sanctifica Domine annulos istos, et rore tuae benedictionis benignus asperge, ac manuum nostrarum confricatione, quas, olei sacra infusione externa, sanctificare dignatus es pro ministerii nostri modo, consecra, ut quod natura metalli praestare non possit, gratiae tuae magnitudine efficiatur. Per Christum Dominum nostrum. Amen.

Then must holy water be cast on the rings, saying:

In nomine Patris, et Filii, et Spiritus Sancti. Amen. Domine Fili Dei unigenite, Dei et hominum Mediator, Iesu Christe, in cuius unius nomine salus recte quaeritur, quique in te sperantibus facilem ad Patrem accessum conciliasti, quem quicquid in nomine tuo peteretur, id omne daturum, cum certissimo veritatis oraculo ab ore tuo sancto, quum inter homines versabaris homo pronunciasti, precibus nostris aures tuae pietatis accommoda, ut ad thronum gratiae in tua fiducia accedentes, quod in nomine tuo humiliter postulavimus, id a nobis, te mediante, impetratum fuisse, collatis per te beneficiis, fideles intelligant. Qui vivis et regnas cum Deo patre in unitate Spiritus Sancti Deus, per omnia saecula saeculorum. Amen.

Vota nostra quaesumus Domine, Spiritus Sanctus qui a te procedit, aspirando praeveniat, et prosequatur, ut quod ad salutem fidelium confidenter petimus, gratiae tuae dono efficaciter consequamur. Per Christum Dominum nostrum. Amen.

Maiestatem tuam clementissime Deus, Pater, Filius, et Spiritus Sanctus, suppliciter exoramus, ut quod ad nominis tui sanctificationem piis hic ceremoniis peragitur, ad corporis simul et animae tutelam valeat in terris, et ad uberiorem felicitatis fructum proficiat in coelis.

Qui vivis et regnas Deus, per omnia saecula saeculorum. Amen.

THE CEREMONIES OF BLESSING CRAMP-RINGS, ON GOOD FRIDAY, USED BY THE CATHOLICK KINGS OF ENGLAND