Part 17

“Haud tae the richt, doctor; there’s a hole yonder. Keep oot o’ ‘t for ony sake. That’s it; yir daein’ fine. Steady, man, steady. Yir at the deepest; sit heavy in yir seats. Up the channel noo, and ye ‘ill be oot o’ the swirl. Weel dune, Jess! Weel dune, auld mare! Mak’ straicht for me, doctor, an’ a’ ‘ll gie ye the road oot. Ma word, ye’ve dune yir best, baith o’ ye, this mornin’,” cried Hillocks, splashing up to the dog-cart, now in the shallows.

“Sall, it wes titch an’ go for a meenut in the middle; a Hielan’ ford is a kittle (hazardous) road in the snaw-time, but ye ‘re safe noo.

“Gude luck tae ye up at Westerton, sir; nane but a richt-hearted man wud hae riskit the Tochty in flood. Ye ‘re boond tae succeed aifter sic a graund beginnin’,” for it had spread already that a famous surgeon had come to do his best for Annie, Tammas Mitchell’s wife.

Two hours later MacLure came out from Annie’s room and laid hold of Tammas, a heap of speechless misery by the kitchen fire, and carried him off to the barn, and spread some corn on the threshing-floor, and thrust a flail into his hands.

“Noo we ‘ve tae begin, an’ we ‘ill no be dune for an’ ‘oor, and ye ‘ve tae lay on without stoppin’ till a’ come for ye; an’ a’ ‘ll shut the door tae haud in the noise, an’ keep yir dog beside ye, for there maunna be a cheep aboot the house for Annie’s sake.”

“A’ ‘ll dae onythin’ ye want me, but if--if----”

“A’ ‘ll come for ye, Tammas, gin there be danger; but what are ye feard for wi’ the Queen’s ain surgeon here?”

Fifty minutes did the flair rise and fall, save twice, when Tammas crept to the door and listened, the dog lifting his head and whining.

It seemed twelve hours instead of one when the door swung back, and MacLure filled the doorway, preceded by a great burst of light, for the sun had arisen on the snow.

His face was as tidings of great joy, and Elspeth told me that there was nothing like it to be seen that afternoon for glory, save the sun itself in the heavens.

“A’ never saw the marrow o’ ‘t, Tammas, an’ a’ ‘ll never see the like again; it’s a’ ower, man, withoot a hitch frae beginnin’ tae end, and she’s fa’in’ asleep as fine as ye like.”

“Dis he think Annie--‘ill live?”

“Of course he dis, and be aboot the hoose inside a month; that’s the gude o’ bein’ a clean-bluided, weel-livin’--

“Preserve ye, man, what’s wrang wi’ ye? It’s a mercy a’ keppit ye, or we wud hev hed anither job for Sir George.

“Ye ‘re a’richt noo; sit doon on the strae. A’ ‘ll come back in a while, an’ ye ‘ill see Annie, juist for a meenut, but ye maunna say a word.”

Marget took him in and let him kneel by Annie’s bedside.

He said nothing then or afterward for speech came only once in his lifetime to Tammas, but Annie whispered, “Ma ain dear man.”

When the doctor placed the precious bag beside Sir George in our solitary first next morning, he laid a check beside it and was about to leave.

“No, no!” said the great man. “Mrs. Macfadyen and I were on the gossip last night, and I know the whole story about you and your friend.

“You have some right to call me a coward, but I ‘ll never let you count me a mean, miserly rascal,” and the check with Drumsheugh’s painful writing fell in fifty pieces on the floor.

As the train began to move, a voice from the first called so that all the station heard:

“Give ‘s another shake of your hand, MacLure; I’m proud to have met you; your are an honour to our profession. Mind the antiseptic dressings.”

It was market-day, but only Jamie Soutar and Hillocks had ventured down.

“Did ye hear yon, Hillocks? Hoo dae ye feel? A’ ‘ll no deny a’ ‘m lifted.”

Half-way to the Junction Hillocks had recovered, and began to grasp the situation.

“Tell ‘us what he said. A’ wud like to hae it exact for Drumsheugh.”

“Thae’s the eedentical words, an’ they’re true; there’s no a man in Drumtochty disna ken that, except ane.”

“An’ wha’s that Jamie?”